Saturday, April 9, 2011

(കവിത)  ഇടവേള             

കെ.സി. അലവിക്കുട്ടി.

വെള്ള പ്രാവുകള്‍
ചിറകുകള്‍ കുഴഞ്ഞു 
കൂട്ടിലേക്ക്.

കഴുത്തറുത്ത് 
തെരുവിലെരറിഞ്ഞ 
ചെമ്പരത്തിപ്പുക്കള്‍.

സ്കോര്‍ 
സമനില പ്രാപിക്കാന്‍ 
ഒരുഇടവേള 

മണിയനീച്ചകള്‍ 
നിശ്ശബ്ദരായി ദേശാടനത്തില്‍ .

കന്നി നിലാവില്‍ 
ആണ്‍ പട്ടിയും പെണ്‍ പട്ടിയും 
ആക്രാന്തങ്ങള്‍ നിര്‍ത്തി 
നല്ല നടപ്പില്‍.

കടകമ്പോളങ്ങള്‍ 
കണ്ണു കളിറുക്കിച്ചിമ്മി
മൌന പ്രാര്‍ഥനയില്‍.

ക്ലാസ് മുറിയില്‍ 
ഒരു ചുവന്ന ആമ്പല്‍ പൂവിന്‍റെ
കശക്കി എറിഞ്ഞ ഇതളുകള്‍. 

ഓടുന്നബസില്‍ 
സ്കോര്‍-
സമനില.

പല്ലിളിച്ച്,കൈ കൊടുത്ത് 
ഒരു  മേശക്കു ചുറ്റും 
അവര്‍.

വെള്ളപ്രാവുകള്‍ 
വിവസ്ത്രരായി 
ഉപ്പും മുളകും മഞ്ഞളും 
വഹിച്ച്
വറച്ചട്ടിയിലേക്ക്.